Wednesday 23 July 2014

सावन जब झुलना-झुलाथे...



मइके बर चेत चले जाथे,
सावन जब झुलना-झुलाथे...

लइकई के संगी सुरता म आथे
फुगड़ी, घरघुंदिया, बिल्लस बलाथे
फेर हरेली के गेंड़ी मुचमुचाथे.... सावन...

जम्मो गड़ी भिभोंरा पूजे जावन
बेलपत्ती, फूल अउ दूध ल चढ़ावन
नांगदेवता के सुरता अभो आथे... सावन ...

नवमीं अंजोरी म भोजली जगावन
जम्मो टूरी मनला डड़इया झूपावन
फेर पुन्नी के राखी चढ़वाथे... सावन...

सुशील भोले 
म.नं. 54-191, डॉ. बघेल गली,
संजय नगर (टिकरापारा) रायपुर (छ.ग.)
मोबा. नं. 080853-05931, 098269-92811
ईमेल -  sushilbhole2@gmail.com

No comments:

Post a Comment