गुजरात राज्य के राजधानी अहमदाबाद म इतवार 8 अक्टूबर के छत्तीसगढी भाखा के कहिनी अउ कविता के गदर मातही।
साहित्य अकादमी, संस्कृति विभाग, भारत सरकार के ए आयोजन म भाषाविद् डाॅ. केशरी लाल वर्मा के मुखियई म डाॅ. परदेशीराम वर्मा अउ रामनाथ साहू अपन कहिनी के पाठ करहीं त मयारुक गीतकार जोड़ी मीर अली मीर अउ सुशील भोले अपन मधुर कंठ ले गीत-कविता के रंग जमाहीं।
कार्यक्रम कवि दलपतराम चौक, रिलीफ रोड, अहमदाबाद म संझौती 4.30 बजे चालू होही।
इहां ए बताना जरूरी हे, केन्द्र सरकार के साहित्य अकादमी ह इतिहास म पहिली बेर छत्तीसगढी भाखा ल अपन कार्यक्रम म शामिल करत हे, जे ए बात के प्रमाण आय के उन मानसिक रूप ले छत्तीसगढी ल भाषा मान चुके हें। अब भरोसा जागत हे, हमर जुन्ना मांग छत्तीसगढी ल आठवीं अनुसूची म शामिल कर एला संवैधानिक रूप म भाषा के दर्जा दे के गोहार जरूर पूरा होही।
जय छत्तीसगढ .. जय छत्तीसगढी..
No comments:
Post a Comment